Glamorous Floral Creation 
  • 108求婚花束
    108求婚花束

    Alan為Miranda準備咗一個浪漫又感動嘅boxing day!
    108枝玫瑰,浪漫嘅餐廳,幸福鑽戒,找到了對的人...
    大成功!
    恭喜晒Alan同Miranda!期待喺婚禮上,繼續為你哋設計幸福花球!


  • 滿天星乾花花束
    滿天星乾花花束

    祝Bonnie同佢Honey結婚一個月快樂!繼續sweet sweet!Bonnie係11月嘅新娘,當時花球已經有佢最鍾意嘅滿天星,而今次呢個花束又點可以少咗Bonnie至愛嘅滿天星呢!仲要係成束靚靚嘅南美滿天星,我將佢整咗做乾花,等Bonnie拆開花紙後,用嚟佈置新居,一舉兩得!
    當人人都有類近嘅款式,鍾意諗吓新意嘅我,當然要將束花變得更特別啦!喺冬天嘅季節,加入暖暖嘅冷球,成件事靚晒同埋只係得你有囉


  • 礦香石工作坊
    礦香石工作坊

    聖誕節收到禮物當然開心,送禮物嗰個就更開心!因為有得玩,又可以送禮物俾朋友,一舉兩得呢!今次推保鮮花/乾花擴香石俾大家,擺睇得又用得,擴香石只要加入不同味道,就可以有唔同嘅功用㗎啦!放衣櫃,房,窗邊,飾櫃...任你擺!
    有唔同嘅造型,精油味道俾你哋揀,快啲嚟玩吓啦!


  • 聖誕節好快就到啦
    聖誕節好快就到啦

    聖誕節好快就到啦,大家又準備好過聖誕嘅禮物,佈置同party未呢?
    以上呢幾樣嘢當然可以搵Cristy啦!禮物同佈置一早已經為大家準備好,睇啱嘅,或者想學整嘅,就快啲嚟搵我啦!Party就梗係預埋我一齊開啦!哈哈~
    今次繼續為大家推介嘅,當然係整咗無數咁多次,每次配搭新鮮,附送靚靚裝飾小禮物嘅"保鮮花匙釦"啦!抽獎自用送禮都係必屬佳品!快啲嚟訂啦!


  • 粉藍白色保鮮花乾花花束
    粉藍加白色嘅保鮮花乾花花束

    再嚟一束粉藍加白色嘅保鮮花乾花花束!
    客人海蝦揀咗自己鍾意嘅顏色,Cristy就發揮專業幫佢襯靚束畢業花束!未包包裝紙都已經咁靚,包埋就當然更加靚啦!期待你哋嘅畢業禮,攞住我束花影靚相呀!


    呢期好多城大嘅畢業同學搵我做花束,真係有緣,可能我都係啱啱喺城大行完畢業禮啦...多謝晒!


  • 粉紅玫瑰白繡球鮮花花束
    榮休花束

    今次為YBHK設計一束榮休花束俾王䓪鳴博士,簡直係我嘅榮幸!能為社會上一個有份量嘅人仕送上祝福,我呢隻小薯仔感到十分榮幸同興奮!
    謝謝王博士嘅讚賞,支持同協助我哋呢啲小小嘅年青創業者,我會繼續努力㗎!
    查詢/訂購:5913 1186


    #鮮花花束 #粉紅玫瑰 #白色繡球 #粉紅色花束 #白色花束 #榮休花束 #生日花束
    #生日禮物 #花束 #pinkflowers
    #whiteflowers #freshflowerbouquet


  • 絲花花球班
    絲花花球班~Kobe為閨蜜好友學整花球

    終於見到靚靚嘅Kobe啦!同你共渡一個開心下午真好啊!Kobe本身都鍾意整吓花球,今次嚟係整個靚靚幸福花球俾好朋友,順便改善吓整花球嘅技巧,最後當然成功整咗個花球啦!後來Kobe好快就話我知,朋友好鍾意呀!連準新郎都話靚,咁我就放心晒啦!
    全set 花球有絲花頭花,襟花同埋花球,仲有花球盒入好,送俾好朋友,準備影prewedding或者大日子用都啱晒!歡迎查詢~
    查詢/訂購:59131186
    絲花花球花材:太陽花,白繡球,白色蒙娜麗莎,綠雪,香檳玫瑰(露腳花球,麻繩)
    #絲花花球 #結婚花球 #仿真花花球 #影相花球 #花球 #婚禮花球 #太陽花 #黃色花球 #白色花球 #繡球花球 #prewedding #bouquet #flowerbouquet#silkflowerbouquet


  • 美玫小牡丹鮮花花束
    低調的生日花束

    客人Caleb為太太送上一束花束,感覺要簡單,唔要誇張地大束,要低調!
    幾好,呢個size我都幾鍾意,比花球大一點,再加上香檳色嘅包裝紙,剛好!
    花材:黃小牡丹,滿天星,煙花菊,白色美玫,大眼雀梅,香檳小玫,黃金球,尤加利籽
    查詢/訂購:59131186
    #鮮花花束 #週年紀念禮物 #生日花束 #生日禮物 #花束 #玫瑰花束 #滿天星花束 #白玫瑰花束 #香檳玫瑰 #freshflowerbouquet #birthdaygift#anniversarygift #anniversary


  • 粉紅粉紫玫瑰保鮮花擺碟「幸福小碟」
    結婚禮物~保鮮花擺碟

    多謝客人Christy再次嘅支持!今次係幫佢準備一份結婚禮物俾朋友,於是喺我設計嘅作品中,揀咗保鮮花擺碟裝飾俾朋友,又實用,又美觀,睇得又用得!
    Cristy設計嘅每件作品,都係獨特嘅,按收禮物,或者係送禮者嘅心思從作品中表達,希望送禮同收禮嘅人,都同樣感受到呢份心意!
    查詢/訂購:5913 1186
    #結婚禮物 #禮物 #感謝禮物 #生日禮物 #保鮮花裝飾 #保鮮花 #保鮮花禮物 #玫瑰花 #玫瑰 #謝師禮物 #gift #gifts #graduationgift #birthdaygift#preservedflower #preservedroses


  • 黑色玫瑰流蘇保鮮花匙釦
    菇之小禮物~黑色玫瑰流蘇保鮮花匙釦

    鍾意呢個匙釦嘅人係Cristy幾年前喺blog認識嘅客人,到宜家已經成為朋友,就係你啦~菇!
    係,我呢個客/朋友真係叫做「菇」。原來「菇」一直都好鍾意呢個匙釦,有一日終於問「阿花」~我另一個別名,哈哈!我想訂一個…
    就係咁樣,我就整咗個靚靚匙釦俾「你」,帶佢同菇爺,仲有雞蛋仔周圍玩啦!
    查詢/訂購:5913 1186
    #保鮮花裝飾 #禮物 #生日禮物 #畢業禮物 #謝師禮物 #回禮禮物 #回禮小禮物 #保鮮花匙扣 #保鮮花掛飾