呢排都係做畢業禮,婚禮嘅job多,秋天嚟到,都仍然做到身水身汗,係一份熱誠!個人本身都比較熱底嘅,哈哈!
今日為大家介紹吓呢期整嘅向日葵花束同埋有得睇又有得食嘅西蘭花...花束!真嘅,係[高貴西蘭花]花束!
客人Kennis經朋友阿峰(訂33支求婚花束嘅客人)介紹,搵我整咗三束向日葵花束,簡單襯花襯上好有陽光氣息嘅向日葵,清新感覺出晒嚟~
喺攞花束嘅前一日,Kennis話想加多束西蘭花花束影相玩吓,Cristy當然冇問題啦!又唔係叫我整豆腐花!冇難度!食得嘅花束,睇得嘅花束都冇問題!
20181110_Bouquet