• 20190108 – Floral Service Subscription
    寫字樓抬花

    新一年就當然有新嘢做!
    今日嚟個大堂接待處枱花先~
    用馬蹄蘭,紫掌,過山貓做個簡單線條,下層就用綠毛球同埋葉材做出唔同層次嘅翠綠感,突顯整個花品嘅設計!


  • 20190104 – Bouquet
    20180104_Bouquet

    生日快樂,江媽媽!貼心嘅江爸爸,見囡囡之前搵我整嘅畢業花束咁靚,就搵我整束靚花俾太太,真係唔洗多講,十支玫瑰就已經代表住十全十美,內外兼備嘅江太啦!再襯上小玫瑰,繡球,蕾絲,仲有立梅,同埋粉紅豆豆,最靚嘅就一定係今日嘅生日之星~江太啦!


    多謝晒江生,江老師嘅支持!


  • 20181224 – Fruit Flower
    Fruit_Flower_2

    蔬果花一出,真係多咗客人訂啊!哈哈哈哈
    都話做得靚嘅,係唔同啲!有啲沾沾自喜嘅感覺~
    新鮮做完,新鮮影相,再嚟新鮮送貨去!
    冇錯,Cristy仍然直到年尾都仲同我啲花花扮緊靚!歡迎大家搵我整靚嘢!
    今次係客人Jackie訂俾好友嘅生日蔬果花!既有心思又有一份愛!朋友間嘅愛係一種緣份,一份支持,一份心!我相信收禮物嘅Yuki一定好開心!


    *特別介紹返先,今次用嘅蔬菜係澳洲直送同埋有機嘅蔬菜店買,有羽衣甘藍,甘荀,露荀,包心菜,日本士多啤梨,啲士多啤梨香味陣飄緊過嚟,好肚餓啊!


  • 20181213 – Floral Gift
    20181213_Gift

    聖誕節嚟啦!聖誕節嚟啦!
    我終於喺夜深時份,有時間整吓聖誕禮物!
    今次嘅order係我家嫂嫂嘅訂單,繼續用心做好每一件作品,Cristy係不設重做款㗎!每款都係花心思,花時間!希望嫂嫂嘅朋友們收到呢份禮物,都會感受到呢份心意!
    我哋仲有其他度身訂做嘅[花。心。思]聖誕禮物。以擴香石配hand cream,潤唇膏,手工皂,大豆按摩蠟禮盒,歡迎訂購或查詢!


  • 20181210 – Fruit Flower
    Fruit_Flower_1

    客人搵我整咗個既elegant又豐富嘅蔬菜花盒俾媽咪做生日禮物,你實在太識貨啦!搵我整又靚又特別嘅嘢就啱㗎啦!有你嘅一句讚美,我就定晒啦!好開心啊~話晒你都係一個識花之人!
    可以打邊爐啦!加返兩隻蝦,應該更鮮甜好味!!
    祝Auntie日日都靚,生日快樂!


  • 20181204 – Bouquet
    20181204_Bouquet

    一早就嚟個高雅嘅紫色花束先~
    客人Peggy係經Cristy好姊妹嘅朋友介紹而搵我訂花!
    因為收花人嘅名有一個[蘭]字,所以就用蘭花做其中一種花材 。紫色嘅萬代蘭就係一個好好嘅選擇,顏色奪目,花嘅形態亦易於接受,用嚟影畢業相就啱襯黑色畢業袍!
    花束用上唔同嘅紫色去配襯,優雅度亦相對提高!
    知道收花人收到後好開心就太好啦!恭喜畢業嘅黃主任!我真心佩服一邊要做教學工作,再去進修嘅人,嗰份心同力,身體同精神上都係好緊要!再次恭喜你!


  • 20181128 – Wedding Bouquet
    20181128_Wedding

    呢期都冇咩po過花球相,咪以為我冇接新娘們嘅單啊!只係呢排畢業花束嘅量又真係比較多,所以未有時間出花球相咋!
    恭喜晒阿Sum同Keith,佢哋嘅婚禮已經順利圓滿咁完成啦!
    當中新娘嘅花球,各人嘅襟花手花都係出自Cristy手啊!粉紅粉紫係新娘鍾意嘅顏色,兄弟姊妹嘅襟花手花就當然係呢啲顏色啦!每個手花都有少少唔同,盡顯每個手花嘅美態同埋獨特性!呢個係我嘅強項!要整特別同花心思嘅嘢,就搵Cristy啦!


  • Office Relocation!
    20181115_Daily

    我哋搬啦!話咁快喺油麻地嘅工作室已經一年啦!
    新嘅工作室喺葵芳,今日係我哋喬遷嘅大日子!努力執執執,但唔影響我哋嘅接單㗎!歡迎繼續落單,同埋查詢各種課程,花品價格!
    新工作室更大更舒服,多謝大家一直以來嘅支持同欣賞!期待再次為大家整靚靚嘅作品啊!


  • 20181124 – Bouquet
    20181124_Bouquet

    讀幼兒教育嘅Charlene畢業啦!遇到以前同行嘅妹妹,感覺好得意!我哋呢啲已經喺前線退落嚟嘅,就繼續為佢哋加油!老師們,繼續努力呀!小朋友們需要你哋呢啲有愛心同責任心嘅老師~
    多謝Charlene同埋你媽咪嘅欣賞,支持!
    多謝晒!


  • 20181114 – Bouquet
    20181114_Bouquet

    客人James之前搵Cristy整過一束畢業花束,今次James就同太太Yuki嚟搵我訂花!
    一對新人好窩心咁送咗兩束感謝花俾媽媽,Yuki仲同我講,話兩位媽媽都好鍾意個花束,差啲唔願放低食嘢,媽媽們都深深被靚花吸引!仲要係兩位新人咁有心思,做媽媽嘅當然心都甜晒!
    多謝Yuki你嘅讚賞同埋推薦,喺婚禮之後嗰日就已經出po讚我哋嘅花靚!嗰一刻我同你講,我真係好感動,好想喊...係真㗎!因為我嘅客都好錫我,包括你!
    幾忙都好,再多嘅單,都要事事跟進,事事上心,我重視你哋每一個客人,因為我要做得更好!